Сіз Ядролық сынақтарға жаппай тыйым салу туралы шарт ұйымының (ОДВЗЯИ) Халықаралық мониторинг жүйесі (ХМЖ) құрылымында қызметін жүзеге асыратын Қазақстан ұлттық деректер орталығының (KNDC) сайтына кірдіңіз.
KNDC Қазақстан Республикасы Ұлттық ядролық орталығы РМК Геофизикалық зерттеулер институты филиалының «Арнайы сейсмикалық ақпаратты жинау және өңдеу орталығы» бөлімшесінің базасында құрылған (www.nnc.kz).
Халықаралық мониторинг жүйесі әлемнің 90 мемлекетінің аумағында орналасқан сейсмикалық, инфрадыбыстық, радионуклидтік және гидроакустикалық станциялардан тұрады. Оның негізгі мақсаты — Ядролық сынақтарға жаппай тыйым салу туралы шарттың орындалуын бақылау.
Сонымен қатар, тәулік бойы жұмыс істейтін жоғары сезімтал станциялар бүкіл әлем бойынша көптеген жер сілкіністерін және табиғи әрі техногендік құбылыстарды тіркейді. Бұл сейсмикалық қауіпсіздікті қамтамасыз ету, цунами туралы ескерту және басқа да маңызды міндеттерді шешуге мүмкіндік береді.
Қазақстанның мониторинг станцияларының желісі сейсмикалық және инфрадыбыстық станциялардан тұрады, олардың деректері Алматы қаласындағы KNDC-де жиналып, өңделеді. Бұл станциялар бір жағынан Халықаралық мониторинг жүйесінің құрамында жұмыс істесе, екінші жағынан Қазақстан мен Орталық Азия елдеріндегі сейсмикалық жағдайды бақылауды қамтамасыз етеді.
KNDC негізгі міндеттері:
— ИГИ РМК ҰЯО ҚР филиалы станциялар желісінен деректерді жинау және беру
— Халықаралық және ұлттық деректер орталықтарымен деректер алмасу
— Барлық келіп түсетін деректерді әртүрлі жеделдік режимдерінде өңдеу
— Сейсмология, сейсмоакустика, геодинамика және басқа салаларда ғылыми зерттеулер жүргізу
KNDC тұрақты түрде бірқатар халықаралық және ұлттық деректер орталықтарымен ынтымақтастық орнатқан, олардың қатарында:
— Comprehensive Nuclear-Test-Ban Treaty Organization Халықаралық деректер орталығы (IDC, Вена, Австрия)
— European-Mediterranean Seismological Centre (Париж, Франция)
— International Seismological Centre (Ұлыбритания)
— United States National Data Center (Флорида, АҚШ)
— Incorporated Research Institutions for Seismology (АҚШ)
— Geophysical Survey of the Russian Academy of Sciences (Обнинск, Ресей)
— NORSAR (Норвегия)
KNDC жетекшісі — физика-математика ғылымдарының докторы Наталья Николаевна Михайлова.
